Velkomin á vef leikskólans Laufásborgar
Við skólalok eru tregafullir dagar, þeir eru fullir af gleði, þakklæti, kærleika og trega við að leiðir skilji. Myndin sem fylgir fréttinni er af vini að faðma skólann sinn bless. Ótrúlega falleg mynd.
Til dæmis, elstu börnin, þau fylla okkur af manneskjubætandi kærleika með laginu sínu sem þau sömdu fyrir sumarhátíðina. ❤️
og líka með trega ❤️ þessar fallegu sálir skilja eftir falleg spor í skólanum sínum 
❤️ TAKK elsku bestu fjölskyldur og okkar bestu óskir fylgja ykkur ❤️Hér er slóð á lagið: Heimurinn er fullur af ást.
Í ár erum við að kveðja fjölskyldur sem hafa verið með okkur í mörg mörg ár og eitt af því sem þau færðu okkur var fallegt Perutré í garðinn og teiknað kort af Hamingjuhöllinni okkar. Þetta er dýrmætur tími.
Við kveðjum líka góða kennara sem fara á vit nýrra ævintýra og þökkum af öllu hjarta fyrir þeirra fallega framlag til skólans.
Við fengum elsku Liðléttingana í sumar, en það er hefð fyrir því að börn okkar kennarana fá sumarstarf og æfa sig í Hjallastefnunni. Þetta stækkar sannarlega skólann og þetta góða unga fólk vandar sig og vill gera ofurvel enda metnaðarfullt fyrir hönd skólans. Í sumar komu þau Lilja og Duncan Cardew, Halldór Benedikt og Eva, Elizabeth enskukennara.
Svo gleður hjarta okkar alltaf jafn mikið þegar eldri Laufásborgar koma og leika. Gaman að sjá að það nóg að sýsla fyrir eldri börn líka, þeim datt meira að segja í hug að fá að baka og að sjálfsögðu fengu þau að gera kærleikskúlur. Í sumar var stöðugt straumur og líka gaman fyrir yngri kennarabörnin sem voru að koma dag og dag í skólann því öll þekkjumst við svo vel eins og ein stór fjölskylda og allstaðar skarast tengslin.
Við fengum líka Anton ljósmyndara sem er faðir á Laufásborg til margra ára til að taka ljósmyndir af öllum og það var frábært.
Svo streymdu til okkar falleg orð, gjafir og faðmlög sem eru dýrmætari en orð fá lýst. Hjartans þakkir fyrir skólaárið elsku fjölskyldur það er ómetanlegt fyrir okkur að finna þakklæti ykkar og hlýju.
Hér er fallegt málverk sem táknar þakklæti. Það var ein amman sem málaði það sem þakklætisgjöf fyrir barnabarnið sitt. enn einn ótrúlega fallegur þakklætisgjörningur.
Hér eru þær flottu mæðgur, Elizabeth enskukennari og Eva fótboltasnillingur.
Alla að kynna Halldór liðlétting til leiks.
Duncan sonur þeirra Tristans kokks og Kristínar vinkonu okkar sem var eitt sinn kennari á Laufásborg. Einu sinni Laufásborgari alltaf Laufásborgari.
Vinirnir Omar kennari og Halldór liðléttingur og Jón Þór yndisdúfa þarna við hliðina.
Hér eru nú flott kennarabörn að leika, Íshildur, Hlynur og Adam.
Það má segja að síðan við sem stöndum að Laufásborg hófum störf 2006 hafa iðulega flottir foreldrar bæst í hópinn og klæðst flíspeysu :) þetta er svo mikil snilld og gaman fyrir okkur. Á hverju ári hefur það gerst og gleður okkur alltaf jafn mikið, við erum fjölbreyttur hópur og það eru gæði í því. Hér eru þær vinkonur, Matthildur og Katrín.
